Laptop Ergonomics

Laptop Ergonomics 手提電腦比桌上電腦更普及，而家更加多人用手提電腦，因為用手提電腦而受傷嘅個案亦愈嚟愈多。老實講，手提電腦係唔能夠做到最好嘅人體工學效果。最主要嘅原因係屏幕同鍵盤係連埋嘅，所以比較難將人體工學融入手提電腦。符合人體工學嘅打字輸入係指將你嘅手腕保持喺中間嘅位置，因為屏幕同鍵盤係連埋嘅，屏幕根本無可能同你對眼成水平線，同時又有符合人體工學嘅打字輸入。

如果用手提電腦多過2個鐘，你最好考慮改用桌上電腦。

如何使用手提電腦並符合人體工學 ?

人體工學 (1): 調教你嘅手提電腦屏幕至眼嘅水平位置

手提電腦屏幕太低，低於眼嘅水平位置會導致頸同膊頭痛，所以現今咁多人需要按摩。

人體工學 (2): 應唔應該用擴充功能塢(Dock Station)？

手提電腦支撐架可以減輕眼同頸部嘅壓力，但係所有壓力就會去咗手腕。你對手嘅擺放位置會提高，所以唔可以用太長時候，中間亦須要休息吓對手架。

人體工學 (3): 用舒適嘅人體工學椅，可以調教人體工學椅至你覺得最舒服嘅位置，腰部挨喺椅背度，等電腦屏幕同你對眼成一直線。

人體工學 (4): 調教手提電腦屏幕角度，等你唔駛壓住條頸嚟睇。

人體工學 (5): 將電腦屏幕嘅光度減弱。

人體工學 (6): 用電腦嘅時候，要保持良好嘅姿勢，要將手提電腦放喺你嘅正前方，唔好扭曲身體。

人體工學 (7): 用滑鼠取代手提電腦輕觸面。

人體工學 (8): 使用獨立式鍵盤及鍵盤架，因為好多枱都太高，特別係果啲唔係人體智能嘅電腦枱，將鍵盤放喺電腦枱較低嘅鍵盤架，就可以將手腕保持最佳嘅使用位置。

人體工學 (9): 每40分鐘都要休息，睇遠嘅野同埋綠色嘅野，可以放鬆對眼，避免咗對眼睛做成嘅傷害。

呢度有啲貼士，喺你揀一部手提電腦時要注意嘅：

1) 買比較大嘅屏幕同闊嘅鍵盤

最少要有17寸屏幕，細嘅手提電腦，用家會將身體傾前嚟睇個屏幕同埋用細小嘅鍵盤打字會對身體造成壓力。

2) 手提電腦嘅重量

如果重過 4kg 或者 8lbs，買一個可以拉嘅手提電腦手挽袋會比較好。

其他工具輔助你用手提電腦而且符合人體工學：

用無線鍵盤、獨立嘅滑鼠，鍵盤支撐架及升高架。
如果你長期使用手提電腦，你最好買有屏幕，同埋人體智能嘅鍵盤。喺二手店都可以搵到，而且比較平。
提醒自己唔好唔記得要保持良好姿勢。
練習人體智能打字輸入，唔好過分拉親你嘅手指。

source: http://www.ergonomics-info.com/laptop-ergonomics.html

Ergoseatings

人體工學

人體工學自從 2012 年 1月 26 號，Apple 出咗 iPad，又細又薄嘅平板電腦，因為容易用同方便攜帶，所以好多人都買。但係就好少人知道，使用平板電腦，其實同使用桌上電腦一樣，很容易會帶嚟頭痛、頸痛同手腕痛。哈佛公眾健康研究人員表示，姿勢同埋平板電腦嘅設計都會影響使用時候嘅舒服程度，所以要建立新嘅人體工學指引。

HSPH Occupational Biomechanics and Ergonomics Laboratory 入面嘅 Jack Dennerlein 指出，手提電話同平板電腦好方便，你可以喺任何地方都可以用佢哋，你可以將佢咃放係大脾，拎住喺手度，不過個問題係用戶嘅姿勢唔正確，長期使用會引致不適。

HSPH 嘅 Dennerlein 同佢嘅同事，仲有 Microsoft Corporation 同埋 Brigham and Women’s Hospital 揾左 15 位年齡低於 40 而有經驗嘅平板電腦使用者做個關於 Apple iPad2 同 Motorola Xoom嘅人體工學測試。而每部平板電腦都有可支撐平板電腦嘅保護套。

透過人體工學測試，用者處於四個唔同嘅姿勢：Lap-Hand (將平板電腦放喺大脾)；Lap-Case (將平板電腦保護套摺起，iPad摺成15度角，Xoom摺成45度角)；Table-Case (將平板電腦保護套摺起，放喺枱面)；Table-Movie (將平板電腦保護套摺起，iPad 摺成 73 度角，Xoom 摺成 63 度角，再放喺枱面)。當用家上緊網，覆緊 email，玩緊 game 同睇緊戲嘅時候，佢哋個頭同條頸嘅姿勢同視線都會被紅外線三維分析系統所量度。