腰背痛 (Low Back Pain)?七個方法加強脊椎健康 Ergoseatings

腰背痛

腰背痛  (Low Back Pain)?七個方法加強你嘅脊椎健康

腰背痛

某些腰痛可是避免的

如何告別腰背痛

預防 腰背痛 1: 保持好嘅姿勢好重要

日常生活中要提醒自己唔好縮頭縮頸,唔好駝背,維持一個好嘅姿勢系維持脊椎健康的基本。

 頸痛嘅主因之一:你的手機

好嘅姿勢嘅定義係耳仔同膊頭垂直成一直線,這樣可以減輕脊椎受到嘅壓力。好嘅姿勢仲會影響其他身體嘅部份,三藩市大學就搵到唔好嘅姿勢同壓力嘅關係,好多專家都話彎腰同坐得衰會伸延到增磅、胃灼熱、偏頭痛、焦慮同呼吸系統等問題。

而正確嘅姿勢會令人望落生得更高,更健康,同更多能量。

預防 腰背痛 2: 深呼吸可以改善你嘅姿勢

將你對手放係腹部感覺下你嘅呼氣同吸氣,每日做多幾次,可以改善你嘅姿勢同脊椎健康。深呼吸可以令到脊椎神經在脊椎範圍內移動,有助減輕痛楚。

預防 腰背痛 3: 簡單嘅運動可以加強骨關

你要做嘅野就係每日做10分鐘簡單嘅強化脊椎運動。伸展條頸,包括屈曲同伸展嘅運動,其實好簡單,由左至右,上而下,由耳仔到膊頭嘅伸展都可以加強脊椎頸段。

預防 腰背痛 4: 你食啲乜野係直接影響你嘅脊椎健康

健康嘅飲食最好要有蛋白質、健康嘅脂肪,食好多新鮮生果、菜係最好嘅方法增加身體嘅肌肉同支撐脊椎。

為左加強你嘅脊椎,食野最好要有復合維生素B同奧米加3s,可以有助減輕脊椎嘅痛楚。

預防 腰背痛 5: 每日要曬少少太陽

太陽光可以比能量你成個身體,喚醒你嘅身體同埋等你企得直啲。而且,太陽光有維他命D,對骨好,包括脊椎。所以,最好每日用10-20分鐘接觸太陽。

預防 腰背痛 6: 留意你幾時訓覺同訓幾耐

研究顯示,唔夠訓會增加頸同背嘅問題。6-8個鐘頭嘅訓覺時數係好重要嘅,訓得好可以等你嘅脊椎抖下,最好嘅睡姿係側睡,咁樣可以放最少嘅壓力喺你嘅脊椎。而且,你要揀啱嘅床墊、枕頭,先可以訓得舒服,最好減少戶外射入室內嘅燈,同埋要有新鮮空氣,而且要避免用喺訓覺時間用電子產品。

預防 腰背痛 7: 打坐

打坐可以讓人恢復警惕力,令你有更好嘅心情,增加生產效率同延長壽命,打坐仲可以令脊椎更直,所以,每日最好抽10分鐘嚟打坐。

你仲可以download個apps叫Healthy Back Workouts,入面有3個apps係關於頸、上背、強化脊椎、姿勢同下背。呢啲app分左3個level,分初級、中級同高級,入面有晒教學指示,仲有圖教你一步一步做添。

透過姿勢、呼吸、打坐、營養、曬太陽同做運動都可以加強你嘅脊椎同整體健康。

Source: http://edition.cnn.com/2013/05/01/health/hansraj-spine/